(مع كل الحب و الود و الاحترام لإخوتنا الفلسطينيين)
سندريلا بالفلسطيني
كان يا مكان في كديم الزمان بنت اسمها سندريلا لبست الفسطان وراحت جري عالكصر وشافها الأمير وحبها وركضوا سوا وفجأة دكت الساعة طنعش وجراي وصارت ترمح و ترمح ووكعت ببوجها عالدرج.
سندريلا راحت عالبيت واتمنت لو انو الساعة ما دكتش على الطنعش، بس شو تسوي بحظها المشحر مثل حظ هاظا الشعب.
الأمير حط فردة البابوج على مخدة يمكن لونها زركة أو نهدي، المهم صار ينادي بالصوت على كل البنات عشان يكيسن البابوج، كاسن كل البنات إلا سندريلا .....
سندريلا نزلت على الساحة ومعها فردة البابوج الثانيه، وحطتها على المخدة الي عليها الفردة الاولى، ولما كربت عشان تكيسها ظربها الأمير تشف، وحكالها: وين جاي ياما، حكتلو: يكطع وجهك ما أزنخك، مش شايفني بدي أكيس البابوج هاجم علي زي كباظ لرواح.
حكالها: وحدة مثلك كيف بدها تكون فلكة الكمر هديك، حكتلو: هسا بفرجيك وأحط على عينك ولما اجت تكيسها، ما طلعت كد اجرها، لأنها كانت ورمانه من كثر الشغل، ويا حرام ما حدا صدكها، وانجنت المشحرة ودارت في الشوارع، والأمير اتزوج غيرها وحكى: لوينتا بدي أظل ادور عليها الله لا يردها هي الخسرانة.
وعاش مع مرتو الجديدة حياة مكلعطة
خطية المسخمة سندريلا
:)(:
